Varsovia, 1939ko abuztua. Tura senar-emazteen antzerki konpainia antzoki batean kokatu da Gestapo!, Hitlerrek eta nazismoak suposatzen duten mundu mailako mehatxua satirizatzen duen obra entseatzeko. Aldi berean, Hamlet irudikatzen ari dira, Izan edo ez izan bertsoa bikoteaz haratago dihoan affaire baten gakoa izanen delarik.

Baina gerra hastearekin batera arazoak ugaritu egingo zaizkie maila guztietan: Poloniako agintariek debekatu egingo dute Gestapo! estreinatzea Hitlerren errepresaliak saihesteko; horrek ez du eragotziko Alemaniak Polonia inbaditzea. Bonbardaketen ondorioz antzerkia erdi suntsituta dagoela, konpainiako aktoreek ordezkapeneko antzerki-trama bikoitz bat asmatu beharko dute, Erresistentziarekin amaituko lukeen dokumentu baten entrega desaktibatzeko eta Poloniatik Ingalaterrara, Shakespeareren lurraldera ihes egiteko. Horrek esan nahi du beraiek izango direla, interpretazio alarde batean, nazien itxura hartzuko dutenak.

Gorabehera hauen erdian, Tura bikoteak R.A.F.-eko hegazkinlari gazte baten irrupzioari aurre egin beharko dio euren harremanean. Azken honek ezkonduen bizitza vaudeville batean bihurtu baitu. Eta honek gauza bakarra esan dezake: are antzerki gehiago istorioan.

Dossier informativo | Informazio dossierra.

Programa de mano | Eskuko programa.

OKAPIrentzat José Velascok egindako ekoizpena.