Nino Bravo mito izatea ekarri zioten abestiek
egun ere indarrean dauden gaiak lantzen
dituzte. Askatasunari abestu zion zapalkuntza
garaietan (“Libre”), bere ustez bizitza zenari
(“Vivir”), etorkizun hobe baten bila bere herritik
alde egin behar izateko zailtasunari (“Un beso y
una flor”) eta hainbat arrazoirengatik sentipen
handiak eragiten zizkioten lekuei (“América”),
besteak beste. Baina nagusiki maitasunari abestu zion, bere alderdi guztietan: maitasun kartsua (“Te quiero, te quiero”), baina, batez ere, galdutako eta etsipenez oroitutako maitasuna (“Esta será mi casa”, “Mis noches sin ti”). Beharbada horregatik izango da denok uneren batean abesti horietatik oso hurbil sentitzen garela.
