El Gayarre retoma su programación de verano a partir de la segunda quincena de agosto

Abuztuaren 23tik aurrera, Gayarre Antzokiak udarako programazioaren barruan, familiei zuzendutako hainbat proposamen gauzatuko ditu. Eraikinaren fatxadaren aurrean egingo dira eta sarrera doakoa izango da.

Abuztuaren 23tik 27ra, asteartetik larunbatera, LA CABINA FANTÁSTICAk, Gianni Rodari idazlearen "Cuentos por teléfono" liburuan inspiratuta, antzokira hurbiltzen direnei aukera emango die telefono-zenbaki bat markatuz 99 ipuin entzuteko.

Abuztuaren 30ean, asteartea, eta 31n, asteazkena, ERRETBLO MEKANIKOAK iritsiko dira Peus de Porc konpainiaren eskutik. Eskularru-txotxongiloen miniaturazko eszenatoki batzuk jarriko dituzte jendearen eskura, palanken eta botoien bidez manipulatu ahal izango direnak.

Irailaren 1ean, ostegunean, Circo Dabitxi konpainiak LA MÁQUINA Y YO zirku vintageko ikuskizuna egingo du, 4 urtetan zehar gauzatutako objektuen bidezko ikerketa islatzen duen mundu sortzaile eta imajinario batera eramango gaituena.

Irailaren 2an, ostirala, eta 3an, larunbata, A TODA VELA (AURKITU GABEKO ALTXORRA) ikuskizuna iritsiko da, zirku, antzerki, maitasun eta umore dosiz betea, euskarazko emanaldi batekin eta gaztelaniazko beste batekin.

Irailaren 6ean (asteartea), 7an (asteazkena) eta 8an (osteguna), Hector Sansegundo mago, aktore eta umoristaren A SOMBRAS ikuskizunaren ordua izango da magia eta itzalen esperientzia paregabeaz gozatzeko. Hau antzoki txiki batean bihurtutako karabana zahar batean egingo da 15 minuturoko paseetan. Irailaren 9an eta 10ean, Alejandro Revuelta, Got Talent-en milioika ikusle harritu zituen mentalista, Iruñera iritsiko da “Mucho más que magia, mucho más que versos" ikuskizunarekin ANTZERKI ANBULANTE batean.

Irailaren 17an, larunbata, TITIRISCOPIO batez gozatzeko aukera izango dugu, hau da, zuzenekoan txotxongiloak hologramekin nahasten dituen miniaturazko antzerki batez.

Udako programazioarekin bukatzeko, irailaren 20etik (asteartea) 22ra (osteguna), "escape room" zaleek beren trebetasunak probatzeko aukera izango dute "TEATRO Escape. Historias del Gayarre. Más allá del telón" jolasean. Fermin Ciaurriz (Wayout Room Escape) eta Iraia Sanzen (Logical Escape Room) proiektu bat da Gayarre Antzokia modan dagoen "escape room"-eko areto handi batean bilakatuko duena. Jarduera honetarako sarrera erosi beharra dago.

Gayarre Antzokiak bere udazkeneko programazio berria aurkeztuko du irailaren erdialdean.

Esta web utiliza cookies, ver aquí la Cookie-en politika. Si continúas navegando, estás aceptándola. También puedes personalizar las cookies.    Ver
Privacidad