"Ozeania" ikuskizuna izango da gaur, igandea, arratsaldeko 19: 00tan Gayarre Antzokian. Hau 2020ean hil zen Gerardo Vera eszenografo, zuzendari artistiko, eszena-zuzendari eta Zentro Dramatiko Nazionaleko zuzendari ohiaren testamentu artistiko eta bizia biltzen dituen antzerki-proiektua da. José Luis Colladok berarekin batera sinatuko du obraren egilekidetasuna, eta bere lagun eta ikaslea zen Jose Luis Arellano Garcíak zuzenduko du. Carlos Hipolito, ordu eta erdiko bakarrizketa honetan maisuaren larruan sartuko da, eta bere biografia interesgarria errepasatuko du, haurtzaro pribilegiatutik hasi eta bere maitasun, desamodio, konpromezu politiko zein aitarekiko harreman korapilatsuetara. Teatro Español, Carhip5 S.L. eta Traspasos Kultur S.L.ren ekoizpena da.
"Ozeania" bizitza zirraragarri baten oroitzapena da. Herrialde eta garai baten erretratua da. Egun batez bere bizitzaren historia zuriaren gainean beltz jartzeko beharra sentitu zuen gizon bikain baten udazkeneko begirada da. Ehunka orrialdetan, lotsarik gabe, oroitzapenaren beloak bahetutako errealitate bat islatu zuen: haurtzaro pribilegiatua, familiaren hondamendi mingarria, zinemarekiko betiko maitasunaren jaiotza, maitasunaren aurkikuntza, desamodioaren urradura, konpromezu politikoa, aitarenganako gorrotoa, errukiaren bidezko adiskidetzea. Eta antzerkiaren ernamuina, bere azken egunetaraino lagundu zion benetako grina.
«Koronabirusa behar baino lehen eraman aurretik paratu zuen azken proiektua da, eta zalantzarik gabe, mende erdian pantaila eta eszenatokietan egindako milaka lanen artean ilusionagarriena», azpimarratu du Jose Luis Collado obraren egilekideak. «Ozeania» bakarrizketa moduan idatzi zituen orrialde horien destilazioaren emaitza da. Testu horretan, Gerardok eta biok hilabeteak eman genituen eskuz esku lanean, eta azken emaitza, hemen aurkezten duguna, harrotasunez betetzen zuen", azaltzen jarraitzen du.
"Ozeania" Gerardo Veraren antzerki-familiaren hil osteko omenaldi zintzo eta sakona da. Alde batetik, Carlos Hipolito buru duena, eskuzabaltasun handiz Gerardoren larruan Gerardo gabe sartzeko zalantzarik izan ez duen, eta bestetik Jose Luis Arellano, bere maisu eta lagunaren lekukoa hartu zuena, berak hasitakoa amaitzeko xedearekin.
«Errespetu eta miresmen handia sentitzen dut "Ozeaniara" hurbiltzean, Gerardo Vera nire maisu, lagun eta anaiaren hil osteko obrara, hain zuzen», dio Jose Luis Arellano García obraren zuzendariak. Aste askotan entzun nion istorio hau interpretatzen, bere istorioa, baina baita herrialde eta belaunaldi oso batena ere. Larunbat askotan, ia hiru hilabetez, bere etxera hurbiltzen nintzen, haren ondoan esertzen nintzen bere bulegoan, eta bere bizitzaren istorioa irakurtzen nuen, bere bidaiena, bere zinemarekiko maitasunarena, bere antzerkiarekiko etengabeko borrokarena, bere sexualitatearen aurkikuntza malkartsuarena, bere familiarena, bere ahizpena, bere izebena, markatu duten gizonena. Baina, batez ere, bere aitaren istorioa kontatzen zuen.
Izan ere, "Ozeania" seme batek aita bati etengabe egiten dion kantua ere bada, hura kanpoan egon arren. "Ozeania" urruneko aterpe bat da, existitzen ez dena, Xanadu baten antzekoa, errealitatea min izugarria eragiten duen grisa denean ihes egiteko modukoa. Eta edozein istorioren erdian, geurean, artista baten ausardia dago, bere beldurren, eta bizitza osoaren aurrean, Arellanok dioenez.